Santa Maria dal Bun Consei

O bona Oma de paraîsc:           

a os s’ofriunse cösc ćianté!

Orede os entrês daidé

la jont de nüsc paîsc.

Os sëis la bela resa

tal urt d’eterno isté:

nos düć orun śën se scinché

con devoziun nosc cör.

O nosta Oma sö al ci,

nos se periun düć canć dër bel:

stenéde fora osc mantel

sön nosta jont d’La Pli.

Os sëis le plü bel gile,

speranza a nostes crusc;

de düć nos püri pićiadûs

os sora gran consëi.

Lois Ellecosta

Ave Maria, Sciora dal ci,

Santa Patrona de döta La Pli.

Prëia, o prëia por nos Gejù,

Che al nes dëidi sön vigne tru.

Plëna de grazia: Dio è con Te,

Oma plü santa Dio n’à cherié.

Prëia, o prëia ...

Nosc Crist Gejù vëgni laldé:

Con söa vita s’àl tan daidé.

Prëia, o prëia ...

Santa Maria, Dio è To Fi.

Nostes deblëzes dëida varì.

Prëia, o prëia ...

Prëia por nos śën, sun tan tontês

Da nüsc nemizi ai ri pićês.

Prëia, o prëia ...

Prëia por nos tal ora dla mort:

Stàsse enlò dlungia con To confort!

Prëia, o prëia ...